قوة..عزيمة...إيمان... (منقول)

قوة .. عزيمة .. إيمان..!!
ريسنا بيضرب فى المليان ..!!
قوة .. عزيمة .. إيمان ..!!
عمل إعلان ولغاه بأعلان ..!!
آدى اللى حلف على القرآن ..!!
يحمى حقوق الشعب الغلبان ..!!
دا طلع ريس للأخوان ..!!

قوة .. عزيمة .. إيمان ..!!
ريسنا بيضرب فى المليان ..!!

قوة .. عزيمة .. إيمان ..!!
وكلامه كله طلع دخان ..!!
غير نائب وداه الفاتيكان ..!!
ورجع فى كلامه كمان وكمان ..!!
أدى اللى كان معانا زمان ..!!
واقف يهتف فى الميدان ..!!
فتح صدره من غير قمصان ..!!
بقى الحرس وياه فى كل مكان ..!!

قوة .. عزيمة .. إيمان ..!!
ريسنا بيضرب فى المليان ..!!
قوة .. عزيمة .. إيمان ..!!
قالك معارضة خونة دى حاجة جنان ..!!
بقى هو دا نصيبنا من الزمان ..!!
ياعينى علينا .. ريسنا واحد هربان ..!!
و نسى أنه كان فى اللومان ..!!
وبيقولك أهلى وعشيرتى والجيران ..!!
طب فين ياريس أكل الجعان ..!!
ولا فين الشغل والسكن للشبان ..!!
ولا الدنيا عندكم دين وأديان ..!!